Қазақстан мен Эстония байланысты нығайта түседі

Қазақстан мен Эстония өзара ортақ мүддені көздейтін салалардағы ынтымақтастықты одан әрі нығайтуға бейілді.

Мұны екі ел президенттері растады. Біріккен Ұлттар Ұйымы Бас Ассамблеясының 78-ші сессиясы аясында Қасым-Жомарт Тоқаев Эстония президенті Алар Кариспен келіссөз жүргізді. Мемлекет басшысы эстониялық әріптесіне елдегі ауқымды әлеуметтік-экономикалық өзгерістер, соның ішінде шетелден инвестиция тартуға және инвесторларды қорғауға бағытталған шаралар жөнінде мәлімет берді. Осыдан соң президенттер халықаралық күн тәртібіндегі өзекті мәселелерді және көпжақты қатынастарды қарастырды. Сонымен қатар Қасым-Жомарт Тоқаев пен Алар Карис бір-бірін өз елдеріне арнайы сапармен келуге шақырды.