Қазақстан мен Société Générale банкі 17 млрд доллардан асатын жобаларды іске асырды

Қазақстан мен Société Générale халықаралық банкі арасындағы отыз жылғы ынтымақтастық аясында құны 17 млрд доллардан асатын бірлескен жобалар іске асырылды.

Премьер-Министр Олжас Бектенов дәл осы қаржы ұйымының өкілдерімен кездесіп, инвестиция әлеуетін одан әрі дамыту жолдарын талқылады. Қазіргі уақытта бірқатар қазақстандық компания халықаралық банкпен энергетикалық инфрақұрылым және қаржы нарығы саласындағы жобалар бойынша келіссөздер жүргізіп жатыр.