427,82 518.00 5.92
+7 (7172) 757 485 24kz@khabar.kz
ҚАЗ

Алина Әділханова көркем гимнастикадан Азия чемпионатында екі күміс еншіледі

  • 89
  • UPD: 12:00, 09.06.2021
Алина Әділханова көркем гимнастикадан Азия чемпионатында екі күміс еншіледі Prosports.kz

Өзбекстан астанасы Ташкентте көркем гимнастикадан лицензиялық Азия біріншілігі жалғасуда. Аталған сынға Қазақстан атынан Алина Әділханова мен Адиля Тілекенова қатысып жатыр деп хабарлайды Olympic.kz.

Шығыршықпен жаттығуда Алина 23.05 ұпаймен күміс медаль иеленді. Бұл бағдарлама бойынша өзбекстандық Тахмина Икромова топ жарса, қола жүлдені қытайлық Ятинг Жао жеңіп алды.

Доппен жаттығуда да Әділханова алтынға қол созым жерден тоқтады. Ол 23.70 ұпаймен күмісті қанағат тұтты. Алтын медальді өзбекстандық Екатерина Фетисова, қоланы Оңтүстік Корея өкілі Чеон Ким еншілеген.

Адиля Тілекенова шығыршықпен жаттығуда 5-ші, доппен жаттығуда 6-орын иеленді.

Хабар 24 телеарнасы