БҚО-ның Бұлдырты ауылында спорт кешені ашылды

Батыс Қазақстан облысының Бұлдырты ауылында дене шынықтыру және сауықтыру кешені ашылды.

Жаңа нысанда күрес, армрестлинг, футбол және волейбол залдары бар. Бұған дейін Бұлдырты ауылында қол күресінен 2 спорт шебері және 17 спорт шеберлігіне үміткер мен Азия, Әлем чемпионаттарының жеңімпазы шыққан. Дәл қазір облыстың Қазталов, Тайпақ, Чапаев және Тасқала ауылдарында жаңа спорт кешендері салынып жатыр. 

Нұршат Қоныс, оқушы:

- Осы жылдан бастап осы жаңа залға келгеніміз. Жаңа залда жаңа жетістіктерге жетеміз, осы зал керемет, жақсы условиялар жасалған, туалет, душ, барлығы жасалған.