Мейірім Нұрсұлтанов жапониялық Кадзуто Такесакомен кездеседі

Кезекті қарсылас есімі мен кезекті кездесу мерзімі белгілі. Қазақстандық Мейірім Нұрсұлтанов та бірер аптадан кейін, яғни 15 сәуірде келесі жекпе-жегін өткізеді. Орта салмақтағы кәсіпқой боксшы бұл жөнінде өзі әлеуметтік желідегі парақшасында жариялады.

Мейірім Оңтүістік Кореяның Инчхон қаласындағы бокс кешінде шаршы алаңға шықпақ. Ал оның кезекті қарсыласы – жапониялық Кадзуто Такесако. Кейінгісі кәсіпқой рингте 16 рет жұдырықтасып, 15-інде жеңіске жеткен. Ал біреуі тең аяқталды. Мейірімнің көрсеткіші – 18 жекпе-жек, 18 жеңіс. Яғни, ешқашан жеңіліп көрмеген қос боксшы өзара мықтыны анықтайды деген сөз.

Айта кетейік, жерлесіміз қазір WBO тұжырымы бойынша әлемдік рейтингтің 3-ші сатысында тұр. Ал соңғы жекпе-жегін былтыр қазан айында өткізді. Польшадағы бокс кешінде аргентиналық Марсело Эстебан Косересті жеңген болатын.