Теннистен Қазақстан құрамасы финалға шықты

Теннистен Қазақстан әйелдер құрамасы Билли Джин Кинг кубогының финалдық кезеңіне шықты.

Астанада өтіп жатқан кездесудің алғашқы матчында Елена Рыбакина Магда Линетті 6-4, 6-2 есебімен жеңді. Осылайша, оның жеңісі Қазақстан құрамасына турнирдің финалдық кезеңіне мерзімінен бұрын шығуға мүмкіндік берді. Енді біздің теннисшілер қараша айында турнир кубогы үшін додаға түседі.