Рахмонов пен Гастелум кездеседі

Қазақстандық аралас жекпе-жек шебері Шавкат Рахмоновтың кезекті қарсыласы белгілі болды.

Ол Лас-Вегас қаласында америкалық Келвин Гастелуммен жолығады. Бұл жөнінде  UFC президенті Дана Уайт ресми түрде мәлімдеді. Жекпе-жек кеші 16 қыркүйек күні өтеді.

Айта кетейік, Келвин Гастелум 2010 жылдардан бері кәсіпқой деңгейде өнер көрсетеді. UFC-дің орта салмақтағы үздітекрі арасында 11-ші тұр.  Ол жуырда ғана орта салмақтан жартылай орта салмаққа ауысу туралы шешім қабылдады. Ал Шавқат Рахмонов жартылай орта салмақ рейтингінде 6-шы орынға жайғасты. Ол соңғы рет октагонға биыл наурыз айында шығып, тағы бір америкалық Джефф Нилді қылғындыру әдісімен ұтқан болатын. Соның арқасында көрсеткішін 17 жекпе-жек, 17 жеңіске жеткізді. Ал қарсыласы бүгінге дейін 26 кездесу өткізіп, 17-сінде басым түскен. Ең соңғы рет сәуір айында орта салмақтағы америкалық Крис Кертиспен кездесіп, төрешілер шешімімен жеңіске жетті.