Конференция лигасы: «Тобыл» «Хонкадан» басым түсті

Футболдан UEFA Конференция лигасы бірінші іріктеу сатысында қостанайлық «Тобыл» өз алаңында Финляндияның «Хонка» командасынан басым түсті, деп хабарлайды «Хабар 24».

Кездесу барысында командалар тартысты ойын өткізді. Есепті «Хонка» ойыншысы Лукас Кауфман ашты. Екінші кезеңде «Тобыл» таразы басын теңестіруге тырысты. Нәтижесінде Мильян Вукадинович қос голдың авторы атанды. Осылайша, «Тобыл» қарсыласын 2:1 есебімен жеңді.

Қарымта кездесу 20 шілде өтеді. Жеңген команда Швейцарияның «Базелімен» кездеседі.