Әбиба Әбужақынова қола жүлдегер атанды
Отандасымыз Әбиба Әбужақынова дзюдо күресінен өткен әлем чемпионатында қола жүлдеге қол жеткізді.
Ол Абу-Даби қаласында өтіп жатқан байрақты бәсекеде 48 келі салмақ дәрежесінде бақ сынады. Алғашында Түркия, Словакия, Бразилия балауандарынан басым түсті. Ал жартылай финалдық кездесуде маңғолиялық спортшыдан есе жіберді. Дегенмен, қола медаль үшін белдесуде түрік қызы Тугше Бедерден айласын асырды. Осылайша Әбиба екі дүркін әлем чемпионатының қола жүлдегері атанды. Айта кетейік, бұл оның осы жылдағы халықаралық жарыстарда алған төртінші медальі.