Жамбыл облысында 1050 көлік қар құрсауында қалды
Елдің бірнеше өңірінде бұрқасын соғып тұр. Осыған орай Ақмола, Қостанай, Ұлытау, Жамбыл, Түркістан, Жетісу, Алматы облыстарында кейбір жол бөліктері жабылған.
Алматы-Ташкент автожолында 1050 көлік қар құрсауында қалған. Оның 600-ге жуығы – жүк көлігі. Жолда қалып қойғандарға 100-ден астам полиция қызметкері, құтқарушылар, жолшылар көмек көрсетіп жатыр. 20-ға жуық арнайы техника тартылды. Жолаушыларды жылыту пунктеріне орналастыру жұмыстары ұйымдастырылды. Мамандар қолайсыз күн райы кезінде жолға шықпауға кеңес береді.