Қазақстанда әуе диспетчерлерін даярлайтын кешен іске қосылды
Елімізде әуе диспетчерлерін даярлайтын бірегей кешен іске қосылды.
Жүйе «ҚазАэроНавигацияның» кәсіби даярлық орталығында орнатылған. Ол әуе айлағындағы трафик пен жердегі ахуалды айнытпай салып береді. Кешендегі жасанды интеллект әуе диспетчерін алмастырып, радио байланысқа шыға алады. Сондай-ақ әуе диспетчерінің жұмыс орнына ұқсас виртуалды кеңістікті жасап береді. Теңдесі жоқ кешеннің бұл Орталық Азиядағы алғашқысы. Заманауи жүйе болашақ диспетчерлерді даярлап қана қоймай, кәсіби мамандардың біліктілігін де арттырмақ. Былтыр орталық 291 адамды жаттықтырған. Биыл тоғыз айда 192 адамды даярлықтан өткізіпті. Енді жаңа кешен көбірек әуе қозғалысы қызметшілерін даярлауға мүмкіндік бермек.