Талдықорғанда қамкөңіл жандарды қоғамға бейімдеу семинары өтті

Талдықорғанда мүмкіндігі шектеулі, қамкөңіл жандарды қоғамға бейімдеуге бағытталған семинар ұйымдастырылды. 

Үш күндік іс-шараға Жетісу облысының әр ауданынан  20 адам қатысты. Сал ауруына шалдыққан жандарға  кәсіби психологтар көмек көрсетті. Ойын арқылы көңіл-күйді көтеру тәсілдері үйретілді. Логикалық сауалдар қойып зейінді жинақтаудың маңыздылығы түсіндірілді. Тағдыр сынағына мойымай, сары уайымға салынбау керектігі айтылды.

Құндыз Бейсен, қала тұрғыны:

- Бүгінгі семинар жақсы өтті. Өз пайдасын беріп жатыр. Қалай көңіл-күйді дұрыс ұстау керек, қалай адам өзімен-өзі күресу керек. Қалай өмірге деген құлшынысын арттыру керек соның бәрін үйреніп жатырмы 

Елдос Баялышбаев, оңалту орталығының төрағасы:

- Адам травма алғаннан кейін үйінен шықпай қояды, ыңғайсызданады, өзін-өзі ашу, отбасына тірек болуға болады. Келешегі бар екенін түсіндіру біздің басты мақсат.