Сейсмикалық аймақ ұлғайып келеді

Ел аумағының 35 пайызы сейсмикалық аймаққа жатады.

Яғни елде жер сілкіну қаупі бар деген сөз.   

Мәселен, орталық және солтүстік өңірлерде 6 баллға дейінгі жерасты дүмпуі тіркеледі.  

Ал еліміздің оңтүстік және оңтүстік-шығыс бөлігі аса қауіпті аймақ  саналады.  Мұнда 6 дан 11 баллға дейінгі жер сілкінісі болуы мүмкін. Сондай-ақ соңғы уақыттары Каспий теңізінің маңы да тербеліп тұратын көрінеді.  Батыс өңірде  4-5 баллдық жер сілкінісі болған.

Аса қауіпті дүмпулердің дені Алматы өңірінде тіркеледі. Осы уақытқа дейін алмалы қала 3 мәрте сілкінген. Алғаш рет 1887 жылы  Верный даласында 9-10 баллдық дүмпу жұртты дүрліктірді. Араға екі жыл салып 1889 жылы шелектіктер 10 балдық жел сілкінісінің зардабын шекті. Ал 1911 жылы Алматының Кемін аймағында 10-11 балдық жерасты дүмпу дерегі тіркелді. 

Қауіпті аймақтар

Орталық және солтүстік өңірлер - 6 баллға дейін

Оңтүстік және оңтүстік-шығыс өңірлер - 6-10 балл

Каспий маңы ойпаты  - 4-5 балл

Алматы өңірі

1. 1887 жылы - 9-10 балл
2. 1889 жылы - 10 балл
3. 1911 жылы - 10-11 балл