Алматылық ветеринар зообақтың құрметті қызметкері атанды

Азамат Дүйсенов қаладағы хайуанаттар бағында 25 жыл бойы жұмыс істеп келеді.

Алматылықтардың көз қуанышына айналған жануарларды емдеу, денсаулығын қадағалаудың қыр-сыры мен қиындығы.

Азаматтың жануарларға деген қызығушылығы мектеп жасынан басталған. Оған  ата-анасы алғаш рет аквариум мен балық сыйлаған. Оған қоса мысық пен иті болыпты. Ветеринар мамандығына бетбұрысы қызығушылықтан емес мысықты емдемек болған әрекетінен басталыпты. Мысығын емдей алмаған Азамат мал дәрігері болуға бел буған. 

Азамат Дүйсенов, Алматы хайуанаттар бағының бас ветеринар дәрігері:

- Мысығымның бас-ми жарақаты ауыр болды. Қозғалмай жатқан жануарды өз күшіммен емдемек болдым. Үйде витамин, дәрілер және шприц болды. Витаминді укол арқылы аз-аздан салдым. Бірақ көмектеспеді.

Ветеринардың айтуынша, әр жануардың өзіндік мінезі бар. Кейбіреулерін қоршауға кіріп, еркін тексеруге болады. Кейбіреулерін алдын ала дайындау керек. Мысалы, арыстанның есте сақтау қабілеті жақсы дамыған. Өзіне ине салған адамды ұзақ уақыт ұмытпайды. Хайуанаттар бағындағы жануарларды тексеру таң қылау бергеннен басталады. Мұндағы әр бөлімнің арнайы ветеринары болады екен. Мысалы, Дәурен Кенжебаев осында 15 жылдан бері жұмыс істейді. Алғашында әріптесі Азаматтан көп нәрсе үйренгенін айтады.  

Дәурен Кенжебаев, Жыртқыш сүтқоректілер бөлімінің жетекшісі:

- Жануарларды өте жақсы көретін азаматтың бірі деп айта аламын. Бұл Азамат енді әр жануардың мінез-құлқын, ерекшелігін өте жақсы біледі. Азаматты да біздегі жануарлардың біразы таниды деп айта аламыз.

Азамат Дүйсеновтің пікірінше ветеринардың жұмысы балалар педиаторының қызметі іспетті. Тәуліктің кез-келген уақытына, ауа райының қолайсыздығына қарамастан қажет кезде осыннан табылып, жануарларға көмек көрсету керек. 

Аршын Кемелжан, Әбен Нарымбаев