«Абай жолы» кітапханасы жобасының тұсаукесері өтті
Семейде «Абай жолы» кітапханасы жобасының тұсаукесері өтті. Кітаптар топтамасы Семей өңірінен шыққан ақын-жазушылардың, әртүрлі әдеби жанрды қамтитын түрлі тақырыптарының басын біріктіреді.
Оқырман қауым шығармаларды Абай өңірі кітапханаларының қорынан тауып оқи алады. 20 қаламгердің шығармасы әрқайсысы 500 данамен жарық көрді. Кітап мерекесіне арналған рухани шарада театр әртістері кітап авторларының туындыларына байланысты әдеби-көркем қойылымдарды сахналады.
Серікзат Дүйсенғазы, филология ғылымдарының кандидаты:
- Бұл Абай өңіріне жарасады. Себебі біз ақынның атындағы облыспыз. Жәй ақын емес, қазақты бүкіл әлемге танытқан ұлы ақын. Сондықтан осы өңірден шыққан қаламгерлерді қолдап, солардың шығармаларын жарыққа шығаруы бұл жарасатын дүние деп ойлаймын.