430,39 515.14 5.65
+7 (7172) 757 485 24kz@khabar.kz
ҚАЗ

Түрік лирасы тағы құлдырады

  • 139
  • UPD: 21:49, 31.03.2021
Түрік лирасы тағы құлдырады

Түркия лирасының долларға шаққандағы құны төмендегенін бұған дейін де айтқан едік, деп хабарлайды «Хабар 24».

Бұл жолы алыстағы ағайынның ұлттық валютасы кейінгі бірер күнде 12% құнын жоғалтты. Ал осы аптаның басынан бері долларға шаққанда 8-ден 8,33 процентке дейін төмендеді. Бұл – 5 айдың ең жоғарғы көрсеткіші. Кезекті бағамға Президент Ердоғанның Орталық банк басшысын орнынан алып тастауы мен ішкі және сыртқы жағдайлар себеп. Мемлекет басшысы ел азаматтарын ұлттық валютаны қолдауға, доллардағы жинақ ақшаларын түрік лирасына ауыстыруға және алтынға инвестиция жасауға шақырды. Дегенмен бұл әрекеттен ешқандай нәтиже шыққан жоқ. Доллар бағамы сағат санап өсіп барады. Рейтердің мәлімдеуінше, соңғы 3 аптада түріктер 15 миллиард лираны шетел валютасына айырбастап, бағалы металл сатып алған. Бұдан бөлек, зергерлік бұйым сатушылары қауымдастығының мәлімдеуінше, тұрғындар 220 миллиард доллар мен 5 мың тоннаға жуық алтынды үйде сақтап отыр. Нарық Орталық банктің лираға қатысты негізгі ставканы көтеруін күтіп отырған сыңайлы. Қазір түрік банктері жылдық 8,25% ұсынуда. Ал елдегі инфляция деңгейін есептегенде салымшылар 11% ұтылып келеді.

Хабар 24 телеарнасы