АҚШ Бейжің Олимпиадасына дипломатиялық бойкот жариялауы мүмкін. Бұл туралы Ақ үй басшысы Джо Байден Канаданың премьер-министрі Джастин Трюдомен кездесуі кезінде мәлімдеді.
Дипломатиялық бойкот алдағы ақпан айында өтетін Бейжің қысқы Олимпиадасының ашылу салтанатына АҚШ-тың ресми өкілдері қатыспайды дегенді білдіреді. Бұл бастаманы Демократиялық және Республикалық партиялардың атынан Конгресс мүшелері мен азаматтық белсенділер көтерген.
Айта кетейік, ресми Вашингтон Қытай билігін адам құқықтарын сақтамайды деп айыптайды.
- Cіз Бейжің Олимпиадасына дипломатиялық бойкотты қолдайсыз ба?
- Иә, біз осы жағын қарастырып жатырмыз.