Түркия президенті НАТО басшысымен Швеция мен Финляндияның НАТО-ға өтінімі туралы талқылады

Түркия президенті Режеп Тайып Ердоған НАТО бас хатшысы Йенс Столтенбергпен телефон арқылы сөйлесті, деп хабарлайды Анадолы ақпарат агенттігі.

Телефон арқылы сөйлесу барысында тараптар Швеция мен Финляндияның НАТО-ға мүшелікке өтініміне байланысты мәселелерді талқылады. Ердоған Швеция мен Финляндия PKK/YPG террористік ұйымына қарсы нақты және шынайы қадамдар жасауы керектігін, сондай-ақ Түркияның Қорғаныс өнеркәсібі өнімдерін экспорттауға қатысты эмбарго мен басқа да шектеулерді алып тастауы керектігін атап өтті.