Азия ойындарына дайындық

Алтын алған спортшыларға 10 мың доллардан табысталады.

Келесі аптада жылдың басты бәсекелерінің бірі жазғы Азия ойындары басталады. Байрақты бәсекені Қытайдың Ханчжоу қаласы қабылдайды, Осы орайда еліміздің Туризм және спорт министрлігі жүлдегерлерге берілетін сыйақы көлемін жариялады. Соған сәйкес, чемпион атанған спортшыларға мемлекет тарапынан 10 мың АҚШ доллар беріледі. Күміс және қола жүлде иегерлері, сәйкесінше, 5 және 3 мың доллардан алады. Олардың бапкерлері де назардан тыс қалған жоқ. Оларға да ақшалай ауқымды сыйақылар қарастырылған. Ұлттық құрама спортшылары қазір қызу дайындалып жатыр. Тіпті, боксшы қыздарымыз жарыс өтетін аймаққа аттанып кетті. 4 жылда бір өтетін құрлықтық додаға биыл 45 мемлекет қатысады деп жоспарланып отыр.