БҰҰ бас хатшысы: Газадағы 2 млн халық әлі де көмекке мұқтаж

Мысыр Газа секторындағы қақтығыстан зардап шеккен 600 палестиналықты медициналық көмек көрсетуге қабылдады.

Бұл туралы Мысыр мемлекеттік ақпараттық қызметі хабарлады.

Олардың сөзінше, Рафах қаласының бақылау-өткізу пункті арқылы Мысыр мен анклав шекарасын қос азаматтығы бар, 8 мың 500-ге жуық шетелдік, Газадағы 1200 мысырлық кесіп өткен.

Ал олардың жағдайы ауыр. Емдеуге дәрі-дәрмек жетіспей жатыр.

Айта кетейік, Анклавқа гуманитарлық көмек жеткізу процесі басталғалы 3 мың тоннаға жуық медициналық препарат пен дәрі-дәрмек жеткізілген.

Антониу Гутерриш, БҰҰ бас хатшысы (АҚШ):

- Газа халқы бүкіл әлем алдында гуманитарлық апаттың ортасында тұр. Біз бұл мәселеге бей-жай қарамауымыз керек. Бітімді ұзарту туралы келіссөздер жүргізіліп жатыр, қалай болғанда да біз бұл бастаманы қолдаймыз. Бірақ алдымен, гуманитарлық апатты тоқтауымыз керек. Өйткені Газадағы 2 млн халық әлі де көмекке мұқтаж.