БҰҰ: Қылмыскерлердің табысы артып барады

Әлемде жыл сайын заңсыз еңбек күші есебінен 236 млрд АҚШ долларын құрайтын кіріс келген.

Біріккен Ұлттар Ұйымының дерегіне сүйенсек, бұл көрсеткіш 2014 жылмен салыстырғанда 37 пайызға көп. Әсіресе Еуропа мен Орталық Азияда заңсыз әрекеттер белең алған. Адам сатып, пайдаға кенелгендер қатары азаймай тұр. Керісінше табысы артып барады. Ресми дерекке сәйкес, 2022 жылы 28 миллион адам мәжбүрлі түрде жұмысқа тартылған. Оның 12 миллионы әйел болса, 3 миллионы бала.