Арканзас штатында алапат дауылдан сегіз адам қаза тапты
АҚШ-тың Арканзас штатында алапат дауыл мен торнадо соғып, 8 адам опат болды.
Тағы бірнеше адам зардап шеккен. Әсіресе аймақтың солтүстік бөлігінде ахуал күрделі. Мұнда дүлей желдің екпінінен ағаштар жерге құлап, электр желілеріне зақым келген. Үйлер мен ғимараттар бүлініп, көшелер қоқыс астында қалды. Қолайсыз ауа райы Американың Техас, Оклахома штаттарында да тіркелген. Билік тұрғындарды тысқа шықпауға шақырды. Із-түзсіз кеткендерді іздеу-құтқару жұмыстары жалғасып жатыр.