Оңтүстік Калифорнияда ұшақ ғимаратқа соғылды

АҚШ-тың Оңтүстік Калифорния штатында шағын ұшақ жерге қона алмай, Фуллертон әуежайында ғимаратқа соғылып, апатқа ұшырады. 2 адам қайтыс болды. Тағы 18 кісі зардап шеккен. Бұл туралы Associated Press агенттігі хабарлады.

Олардың айтуынша, апаттан соң ғимараттан өрт шығып, қоймаға зақым келген. Құтқарушылар оқиға орнына жетіп, тілсіз жауды ауыздықтауға кірісті. Әзірге апатқа ұшыраған ұшаққа қатысты ақпарат жоқ. Зардап шеккендердің борт ішінде болған-болмағаны да белгісіз. Тергеу басталды.