Таразда жаңа мектеп ғимараты өртенді

Тараз қаласында жаңадан бой көтерген мектептің ғимараты отқа оранды, деп хабарлайды 24kz.

Оқиға орнына өрт сөндіру жасақтары жетемін дегенше бірінші қабатты қалың түтін басқан. Салдарынан 80 шаршы метр аумақ жалын астында қалды. Абырой болғанда, зардап шеккендер жоқ. Ғимаратта жөндеу жұмыстарын жүргізіп жатқан құрылысшылар өз бетінше эвакуацияланды. Ресми мәліметке сүйенсек, өрт электр сымдарының қысқаша тұйықталуынан тұтануы мүмкін.