Италияда қар көшкінінен үш адам қаза тапты

Италияда қар көшкіні жүріп, 3 шаңғышы опат болды.

Тағы 2 спортшы зардап шеккен. Олар шұғыл тікұшақпен жақын маңдағы ауруханаға жеткізілді. Бұл туралы Ассошиэйтед Пресс агенттігі хабарлады. Олардың айтуынша, оқиға Италияның солтүстігіндегі Пьемонт аймағында 2800 метр биікте болған. Тау шыңында басталған көшкін төменге қарай сырғып, шаңғышыларды басып өткен. Құтқарушылардың мәліметіне қарағанда, құрбандар Вербания қаласының тұрғындары. Қазір оқиға болған жерде, 2100 метр биікте "қар көшкіні қаупі" туралы ескерту жарияланды.