Калифорниядағы өрттен келген шығын көлемі 275 млрд доллардан асты
АҚШ-тың Калифорния штатындағы алапат өрттен келген шығын көлемі 275 миллиард доллардан асты.
Бұл туралы "Аккю Уезә ((AccuWeather)) қызметі хабарлаған. Соңғы мәлімет бойынша, тілсіз жау 17 мың гектар аумақты жалмап үлгерген. 24 адамның көз жұмғаны белгілі. 12 мыңнан астам ғимарат жанып кеткен. Лос-Анджелес тұрғындары су және электр энергиясын беруге жауапты жергілікті операторды сотқа берді. Бұл мекеме өртті сөндіру үшін жеткілікті сумен қамтамасыз ете алмаған. Естеріңізге сала кетейік, Калифорния штатындағы өрт 7 қаңтарда тұтанған болатын. Жалындаған оттың тез таралуына құрғақшылық пен күшті жел себеп.