Полицейлер күдіктіні қамауға алды, деп хабарлайды «Хабар 24».
Ер адам зейнеткерге жер телімін алуға көмектесетінін айтып уәде еткен. Бұл үшін алдын ала 300 мың теңге алған. Кейін хабар-ошарсыз кеткен.
«Қабылданған шаралар нәтижесінде Орал қаласының 32 жастағы тұрғыны ұсталды. Ақша иесіне қайтарылды. Алаяқтық дерегі бойынша ҚР ҚК 190-бабы, 1-бөліміне сәйкес тергеу амалдары басталды. Алаяқтың басқа қылмыстарға қатысы бар-жоғы анықталуда», – деп мәлімдеді БҚО ПД баспасөз қызметі.