Үкімет отырысында денсаулық сақтау министрінің бірінші орынбасары елдегі эпидемиологиялық жағдайға тоқталды, деп хабарлайды «Хабар 24».
Жалпы Қазақстанда коронавирустың таралуы соңғы бір айда 2,8 есеге төмендеді.
Денсаулық сақтау вице-министрі Марат Шоранотың айтуынша, стационарда емделіп жатқандардың саны 1 жарым есеге, ал үйде ем қабылдап жатқандар 2 есеге азайған. Тамыз айында жұқпалы аурулар ауруханалары 56 процентке толық болса, бүгінде бұл көрсеткіш 29 процентке дейін кеміді. Жансақтау бөлімдерінде де орын саны 45-тен 23 процентке дейін азайды. Қазір қызыл аймақта Солтүстік Қазақстан облысы ғана қалды. Ал Қарағанды, Қостанай, Ақмола, Павлодар облыстары мен Нұр-Сұлтан қаласы «сары аймақ» тізіміне енген.