427,15 517.06 5.74
+7 (7172) 757 485 24kz@khabar.kz
ҚАЗ

Жол апаты: Алматыда екі адамның өліміне себеп болған әйел сотталды

  • 126
  • UPD: 12:06, 13.04.2021
Жол апаты: Алматыда екі адамның өліміне себеп болған әйел сотталды Baribar.kz

Алматыда 59 жастағы әйел өліммен аяқталған жол апаты үшін сотталды, деп хабарлайды Polisia.kz. Бұл жол-көлік оқиғасы Алматы қаласының Бостандық ауданында болды.

– С.М.Танекеева азаматша Toyota Land Cruiser Prado автокөлігін басқара отырып, Есқараева көшесімен шығыс бағытта келе жатып, Розыбакиев көшесімен қиылысқанда, «жол беріңіз» белгісінің әрекетін елемей, жол қиылысына шығып кетіп, сол жерде Розыбакиев көшесімен солтүстікке қарай жүріп келе жатқан Lexus GX-300 маркалы автокөлікпен соқтығысып қалды. Соққы нәтижесінде Lexus инерциямен жол жиегінде тұрған төрт жаяу жүргіншімен соқтығысты. Олардың бірі – 1992 жылы туған К. есімді азаматша, алған жарақаттарынан оқиға орнында қайтыс болды. Тағы бір жаяу жүргінші – 1994 жылы туған А. есімді азамат ауруханада көз жұмды. Басқа зардап шеккендер медициналық мекемелерге жатқызылды, – деді Алматы қалалық Полиция департаменті бастығының орынбасары Рустем Әбдрахманов.

Сотқа дейінгі тергеу ҚР ҚК-нің 345-бабы 4-бөлігіне сәйкес қылмыстық құқық бұзушылық белгілері бойынша жүргізілді. Жүргізілген тергеу әрекеттері, сондай-ақ, сараптамалық зерттеулер С.Танекеева азаматшаның кінәсін дәлелдеді. Алматы қаласының Бостандық аудандық сотымен әйел адам екі адамның өліміне әкеп соққан жол-көлік оқиғасы үшін кінәлі деп танылып, бес жылға бас бостандығынан айырылды.

Хабар 24 телеарнасы