Қарағанды әуежайы қымбат авиаотын сатқаны үшін 80 млн теңгеден астам айыппұл төледі.
Ведомство әуе айлағының қызметін өткен жылы тексерген болатын. Нәтижесінде ел ішінде қатынайтын ұшақтар үшін жанар-жағармайдың бағасын негізсіз қымбаттатқаны анықталды. Бұл 2018 және 2019 жылдар аралығында болған. Қазір компания кінәсін мойындап, барлық қажетті айыппұл сомасын төледі. Бұл туралы бәсекелестікті қорғау және дамыту агенттігі хабарлады.