Алматы облысында жүк көлігі аударылды

Алматы облысындағы «Алматы-Қорғас» күре жолында жүк көліктері соқтығысқан, деп хабарлайды «Хабар 24».

Мамандардың айтуынша, «MAN» жүк көлігінің жартылай тіркемесі үзіліп, ол «DAF» автовозына соғылған. Салдарынан орнынан қозғалған машина «Mercedes-Benz» маркалы автовозбен соқтығысады. Жалпы, жол оқиғасынан 1 машина аударылып, оған тиелген бірнеше жеңіл көлік зақымданды. Адамдар зардап шеккен жоқ. Қазір осы оқиға бойынша полиция тергеу амалдарын бастады.

Ернар Сайділдин, облыстық ПД ресми өкілі:

- Жол көлік оқиғасы дерегі бойынша ҚР Әкімшілік құқық бұзушылық кодексінің 610-шы бабы, екінші бөлігіне сай әкімшілік іс қозғалды. Қажетті сараптамалар тағайындалды.