Жемқорлардан тәркіленген қаражат мектеп салуға жұмсалады

Сыбайлас жемқорлыққа қатысты қылмыстық істерден тәркіленген қаражат көлемі 120 миллиард теңгеге жуықтады, деп хабарлайды «Хабар 24».

Енді бұл ақша  мектептердің құрылысы мен жөндеу жұмыстарына жұмсалады. Бұл жөнінде Президентке Премьер-Министрдің орынбасары – Қаржы министрі Ерұлан Жамаубаев баяндады. Мемлекет басшысына бюджет және салық,  «Ұлттық қор – балаларға» жобасының жұмыс механизмдері, заңсыз иеленген және елден шығарылған активтерді мемлекетке қайтару үшін қабылданып жатқан шаралар туралы ақпарат берілді. Сондай-ақ жеке тұлғалардың банкроттығы туралы Заңның жүзеге асырылу барысы да айтылды. Кездесу соңында Қасым-Жомарт Тоқаев бюджет қаражатын тиімді пайдаланып, салықтық және кедендік әкімшілендіру ісін жетілдіруге бағытталған тапсырмалар жүктеді.