Президент Ш. Қалдаяқовқа арналған кешке қатысты

Қасым-Жомарт Тоқаев әйгілі композитор Шәмші Қалдаяқовтың шығармашылығына арналған отандық өнер жұлдыздарының концертін тамашалады, деп хабарлайды «Хабар 24».

«Қазақстан» орталық концерт залында белгілі әншілер, сондай-ақ Астана қаласының эстрадалық-симфониялық оркестрі, Жас көрермен музыкалық театрының солистері және басқа да өнерпаздар ән шырқады. Концертке композитордың жұбайы Жәмилә Қалдаяқова да құрметті қонақ ретінде қатысып, ұлы Мұхтар мен немересі Айсұлу Қалдаяқовтар өнер көрсетті.