Параг Ханна: Қазақстан климаттық миграцияға дайын болуы керек

Жаһандық климаттың өзгеруі салдарынан Оңтүстік елдердің халқы Орталық Азия мен солтүстікке қарай үдере көшеді, деп хабарлайды 24kz.

Қазақстан инфрақұрылымын нығайтып, миграциялық үдеріске дайын болуға тиіс. Бұл туралы арнамызға берген экслюзив сұхбатында жаһандық көші-қонға болжам жасайтын AlphaGeo платформасының негізін қалаушы, футуролог ғалым Параг Ханна айтады. Геосаясаттанушы Esquire журналының нұсқасы бойынша «XXI ғасырдың75 ықпалды адамдары» тізіміне енген. Ғалымның «Болашақ Азияға тиесілі», «Коннектография: Ғаламдық өркениеттің болашағы» секілді жеті бірдей кітабы әлемдік бестселлерге айналған. Экслюзив сұхбатында Параг Ханна жаһандағы геосаяси, климат және миграция мәселесіне қалай үн қату керегін жеткізеді.