Қазақстандық үш боксшы Германиядағы турнирде жартылай финалға өтті

Германияның Кельн қаласында бокстан халықаралық турнир жалғасып жатыр.

Қазақстандық боксшылардың алғашқы жарыс күніндегі нәтижелерін белгілі болды.

Жарыстың ¼ финалында Ермахан Жақпеков германиялық Андрей Мерсляковтан ұтылып қалды. Ал 63 келіде шаршы алаңға шыққан Ертуған Зейнулинов Ассан Хансенді (Германия) жеңіп, жарыстың жартылай финалына жолдама алды. Оразбек Асылқұлов пен Қамшыбек Қоңқабаев та жартылай финалда жұдырықтасады.

57 келіде Оразбек Асылқұлов Ани Хаксхиллариді (Германия), құрама капитаны Қамшыбек Қоңқабаев (+91 кг) франциялық Мойнзде Абдоудоуды ұтты.