425,82 518.00 5.93
+7 (7172) 757 485 24kz@khabar.kz
ҚАЗ

Асқар Молдағали Токио Олимпиадасында төрелік ететін қазылар тізіміне енді

  • 166
  • UPD: 12:14, 18.05.2021
Асқар Молдағали Токио Олимпиадасында төрелік ететін қазылар тізіміне енді

Халықаралық каратэ федерациясы (WKF) Токио Олимпиадасында төрелік ететін қазылар тізімін жариялады, деп хабарлады Olympic.kz.

Төртжылдық додасына төрелік ететіндердің негізгі тізіміне 17 маман енген. Ал қазақстандық Асқар Молдағали резервте бірінші болып тұр. Халықаралық федерация қазақстандық қазының кандидатурасын резервке енгізді. Олимпиада кезінде WKF реферилерінің бірі қатыса алмай қалған жағдайда Асқар Молдағали төрелік ету құқығына ие болмақ. Токио Олимпиадасында каратэден тұңғыш жеңімпаздар мен жүлдегерлер анықталады.

Каратэшілер додасы 5, 6 және 7 тамызға жоспарланған. Қазақстан командасының еншісінде әзірге бір жолдама бар. Дархан Асаділов әлемдік рейтингте көш бастап, жолдаманы мерзімінен бұрын ұтып алды. Ал соңғы лицензиялық турнир 11-13 маусым аралығында Париж қаласында өтеді.

Хабар 24 телеарнасы