Рыбакина жартылай финалға шықты

Рыбакина жартылай финалға шықты.

АҚШ-тың Индиан-Уэллс қаласында теннистен WTA 1000 санатындағы рейтингтілік турнир жалғасып жатыр. Қазақстандық Елена Рыбакина жарыстың кезекті күні чехиялық Каролина Муховамен кездесті.

Айта кетейік, Рыбакина қазір әлемдік рейтингте 10-шы, ал Мухова 76-шы тұр. Соған қарамастан жерлесіміз айқын басымдық таныта алмады. Матч 2 сағат 48 минутиқа созылды. Қорытынды есеп: 7:6, 2:6, 6:4. Жеңіске жеткен Елена енді кіммен жолығатыны әзірге белгісіз. Белгілісі -  польшалық  Ига Швентек пен румыниялық  Сорана Кырстя арасындағы жеңімпаз оған қарсылас атанады. Индиан-Уэллс қаласындағы жарыс 19-шы наурызға дейін жалғасады. Ал оның жалпы жүлде қоры 8 млн 800 мың АҚШ долларын құрайды. Бұған қоса, жеңімпазға рейтингтілік 1000 ұпай беріледі.