Мұхаммедсабыр Базарбайұлы кәсіпқой бокста өнер көрсетеді
Орта салмақтағы ұлттық құраманың үздігі Таиландта өтетін бокс кешіне қатысып көрмек, деп хабарлайды 24KZ. Аталмыш кездесу 1 ақпан күні Бангкок қаласында болады. Оны қазақстандық және тайландттық промоутерлік компаниялар бірлесе ұйымдастырып жатыр.
Әзірге Мұхаммедсабырдың қарсыласы белгісіз. Белгілісі бокс кешінде Мұхаммедсабыр Базарбайұлынан бөлек, Руслан Мадиев, Елшат Нығметолла, Нұрдос Төлебай және Армат Арманұлы сияқты қазақстандық боксшылар кәсіпқой бокстағы кезекті кездесулерін өткізеді.
Айта кетейік, Мұхаммедсабыр 2024 жылы Париж Олимпиадасына қатысып, ширек финалға дейін жеткен болатын. Артынша Таиландта өткен Азия чемпионатында бақ сынады. Бірақ жүлдегерлер қатарына кіре алмады.