425,79 504.32 5.82
+7 (7172) 757 485 24kz@khabar.kz

Білім гранттарын тағайындау конкурсы: құжаттарды қабылдау тағы бір күнге созылады

  • 192
  • UPD: 16:40, 25.07.2021
Білім гранттарын тағайындау конкурсы: құжаттарды қабылдау тағы бір күнге созылады

Бұған дейін Білім және ғылым министрлігі гранттарды тағайындау конкурсына қатысу үшін құжаттарды қабылдау 25 шілдеде аяқталады деп жоспарлаған болатын.

«Алайда талапкерлерден құжаттарды қабылдау мерзімін ұзарту туралы өтініштер келіп түсті. Өйткені құжат тапсырудың соңғы күні жексенбіге келеді. Осыған байланысты ҚР БҒМ құжаттарды қабылдауды тағы бір күнге – 26 шілдеге дейін ұзарту туралы шешім қабылдады», - делінген министрлік хабарламасында.

Құжаттар жоғары оқу орындарының виртуалды қабылдау комиссиялары арқылы қабылданатынына назар аударуларыңызды сұраймыз.

Талапкерлердің денсаулығын қорғау мақсатында еліміздің барлық жоғары оқу орындарында виртуалды қабылдау комиссиялары жұмыс істейді. Олардың көмегімен конкурсқа қатысу үшін құжаттарды онлайн форматта тапсыруға болады. Виртуалды қабылдау комиссияларының тізімі сілтеме бойынша қолжетімді.

Хабар 24 телеарнасы