11 өңірде ауа райына байланысты ескерту жарияланды

Ақпанның ақтүтек бораны әбігерге салып тұр. 11 аймақта күн райының қолайсыздығына байланысты дауылды ескерту жарияланды.

Бүгін Нұр-Сұлтан қаласында жел екпіні секундына 20 метрге дейін күшейіп, бұрқасын соғады. Ақмола, Қарағанды, Павлодар, Солтүстік Қазақстан облыстарында да боран. Алматы облысының таулы аудандарында бұрқасын күтіледі. Түркістан, Қызылорда, Жамбыл, Шығыс Қазақстанда желдің күшеюіне байланысты ескерту жасалды.