USD 446.33
EUR 485.56
RUB 5.04
Бельгия билігі төрт күндік жұмыс аптасына көшуді мақұлдады.
Жаңа ереже еңбек нарығындағы реформаның бір бөлігі болмақ. Мамандардың айтуынша, бұл пандемиядан кейінгі кезеңде халықтың қалпына келуі үшін бағытталған шешім. Бұдан былай компаниялар мен өндіріс орындарының қызметкерлері жұмысқа аптасына 4 рет қана шығады. Бұған қарамастан жалақы азаймайды. Десе де, бір күндік жұмыс уақыты мен жұмыс кестесінде өзгеріс болуы мүмкін. Осылайша жергілікті билік халықтың жұмыспен қамтылу көрсеткішін 2030 жылға қарай 70-тен 80 процентке дейін арттырмақ ниетте.
Александр Де Кро, Бельгия премьер-министрі :
– Басты мақсат қызметкерлер мен компанияларға жұмыс уақытын дұрыс пайдалануға мүмкіндік беру. Осылайша баласы бар адамдар уақытын тиімді жұмсап, отбасымен көбірек уақыт өткізеді.
Амори Массион, Брюссель тұрғыны:
– Пандемия кезінде қашықтан жұмыс істедік. Бұл жүйенің нәтижелі болатынына көзіміз жетті. Енді уақытымызды тиімді ұйымдастыруға үлкен мүмкіндік бар. Әсіресе балалары бар адамдар үшін үш күн демалу өте пайдалы.
