427,82 518.00 5.92
+7 (7172) 757 485 24kz@khabar.kz
ҚАЗ

Ресейде үй жануарларына вакцина салына бастады

  • 100
  • UPD: 13:35, 27.05.2021
Ресейде үй жануарларына вакцина салына бастады

Ресейдің бірнеше аймағында үй жануарларына коронавирусқа қарсы екпе салына бастады, деп хабарлайды «Хабар 24».

Вакциналау науқаны мал дәрігерлік емханаларда жүріп жатыр. Бұл туралы осы елдің Малдәрігерлік және фитосанитарлық қадағалау жөніндегі федералдық қызмет өкілдері мәлімдеді. Ресей наурызда иттер, мысықтар, түлкілер мен қаракүзендерге сынақ жасап, жануарларға арналған әлемдегі алғашқы вакцинаны тіркеген болатын. Жергілікті ғалымдар жасаған коронавирусқа қарсы бұл препарат «Карнивак-Ков» деп аталады. 2 дозасы шамамен 7 долларға сатылады. Екпе салынғаннан кейін жануарлардың бойындағы иммунитет жарты жылға дейін сақталады екен.

Юлия Мелано, «Россельхознадзор» басшысының кеңесшісі:

– Қазір біз бұл вакцинаны Еуроодақта тіркету үшін жұмыс істеп жатырмыз. Бұл іске Польша, Германия мен Венгрия өте мүдделі болып отыр. Сондай-ақ Таиланд, Жапония, Малайзиямен де келіссөздер жүргізіп жатырмыз. Ертең біздің вакцинаны Перуде тіркеу және жеткізу мүмкіндігін талқыламақпыз.

Хабар 24 телеарнасы