Қарағанды облысының мобильді топтары биыл 16 мыңға жуық бизнес объектілерін тексерген, деп хабарлайды «Хабар 24».
Оның ішінде тек осы айда карантин талаптарын сақтамай, ережеге қайшы келген 150-ге жуық нысан анықталған. Өңірдегі 17 мейрамханада адамдар көптеп жиналып, той үстінде ұсталған.
«Жалпы мамандар әсіресе түнгі көңіл көтеру орындары ережені елей бермейді», - дейді. Салдарынан мыңға жуық адамға айыппұл салынған. Олардан өндірілген айыппұл көлемі 80 миллион теңгеден асып жығылады.