424,44 504.55 5.80
+7 (7172) 757 485 24kz@khabar.kz
ҚАЗ

Қазақстандық автокөлік өндірушілер мектептерге 500-ден астам автобус жеткізеді

  • 95
  • UPD: 12:13, 29.06.2021
Қазақстандық автокөлік өндірушілер мектептерге 500-ден астам автобус жеткізеді Kursiv.kz

Бұл туралы Үкімет отырысында индустрия және инфрақұрылымдық даму министрі Бейбіт Атамқұлов мәлімдеді.

2021 жылы қазақстандық білім ошақтары 515 арнайы автобуспен қамтылмақ: 20 орындық 347 автобус және 40 орындық 168 автобус.

Автобустар жүйелер мен тораптардың қауіпсіздігін интеллектуалды әрі автоматты түрде тексерумен, салонда балаларды тастап кетудің алдын алу жүйесімен, қосымша қауіпсіздік белдіктері бар балалар креслоларымен, жолаушылар салонының артқы жағындағы бір рет түртуден ашылатын апаттық шығыспен және санитарлық-эпидемиологиялық қондырғымен жабдықталған. Олартірек-қимыл аппараты бұзылған балалардың қажеттіліктеріне де бейімделген.

Автобустарды дайындауға үш қазақстандық зауыт қатысты: «QazTechna», «DaewooBusKazakhstan» және «HyundaiTransAuto».

Хабар 24 телеарнасы