Ардақты азамат, белгілі тежерурналист Бейсен Құранбектің салып кеткен сара жолын жалғастырып, әлеуметтік тақырыптағы тың телебағдарламалар түсіріп жүрген жас журналистер анықталды, деп хабарлайды «Хабар 24».
Олар «Astana Media Week-2021» медиа апталығының ашылу салтанатында «Жігер» сыйлығымен марапатталды. Ұйымдастырушылардың айтуынша, биылғы байқауға бір ғана аталым бойынша 100-ге жуық өтініш келіп түскен. Жеңімпаздарды Бейсен Құранбектің үзеңгілес әріптестерінен құралған қазылар алқасы анықтады. Сыйлық иегерлері арасында нар тұлғаның шәкірттері де бар.