425,25 492.05 5.97
+7 (7172) 757 485 24kz@khabar.kz

А.Цой: Қазақстанда халықты вакциналаумен қамту 75,8% құрады

  • 85
  • UPD: 12:20, 28.09.2021
А.Цой: Қазақстанда халықты вакциналаумен қамту 75,8% құрады Егемен Қазақстан

ҚР премьер-министрі Асқар Маминнің төрағалығымен өткен Үкімет отырысы барысында COVID-19 ауруы бойынша санитариялық-эпидемиологиялық жағдай туралы мәселе қаралды.

Денсаулық сақтау министрі Алексей Цой Қазақстандағы коронавирус инфекциясымен күрес бойынша ағымдағы жағдай және қабылданып жатқан шаралар туралы баяндама жасады.

Министр Қазақстанда сырқаттанушылықтың төмендегенін атап өтті. Соңғы екі аптада ауру 36%-ке төмендеген. Тамыздың екінші жартысынан бастап эпидемиологиялық жағдайдың тұрақтануы байқалады, ауру 3,2 есе, ал өлім 2,7 есе азайды.

Бүгінгі таңда «жасыл» аймақта 4 өңір бар: Жамбыл, Қызылорда, Маңғыстау және Түркістан облыстары. Қазақстан Республикасы және 8 өңір – «сары аймақта» (Шымкент қ., Алматы, Атырау, Ақтөбе, Қостанай, Шығыс Қазақстан, Батыс Қазақстан және Солтүстік Қазақстан облыстары).

«Қызыл аймақта» 5 өңір қалып отыр.

Репродуктивтілік саны – 0,88.

Соңғы ай бойынша, министрдің айтуынша, күніне ауруды жұқтыру жағдайларының саны 3,6 есе азайды. Сондай-ақ, стационарлық емделуде жүрген науқастар санының 27 тамыздағы жағдай бойынша 25 мыңнан 27 қыркүйектегі жағдай бойынша 10,5 мың адамға дейін 2,4 есе азайғаны байқалады. Амбулаториялық емдеуде науқастар саны 89 мыңнан 51 мыңға дейін 1,7 есеге азайды.

«Сонымен қатар 23 тамыздан бастап бір тәулікте сауығып кеткен науқастардың саны бір тәулікте науқастанғандардың санынан асып түсетінін атап өткім келеді, бұл да эпиджағдайдың тұрақтанғанын көрсетеді», – деді А.Цой.

Оның айтуынша, 1 тамыздан бастап елімізде инфекциялық төсек-орындардың жүктемелену деңгейі 56%-тен 33%-ке дейін, реанимациялық төсек-орындардың жүктемеленуі 45%-тен 32%-ке дейін төмендегені байқалады. Бұл ретте республика бойынша 57 ковидті стационар немесе 25 мың төсек-орын жабылды. Халықты вакциналау жалғасуда. Бүгінгі күні Денсаулық сақтау министрлігінің ақпараты бойынша, бірінші компонентпен 7,5 млн-нан астам адам егілді, тиісті халықты қамту 75,8% құрады, 2 компонентпен 64,7% қамти отырып, 6,4 млн-нан астам адам егілді.

«Өңірлер вакцинамен жеткілікті мөлшерде қамтамасыз етілген. Вакциналарды жеткізу кестеге сәйкес жүзеге асырылады», – деді А.Цой.

Министр вакциналау әлі де коронавирус инфекциясының алдын алудың жалғыз нақты шарасы екенін атап өтті. Күзгі суық ауа райының басталуымен елімізде әдеттегі тұмауға қарсы вакциналау басталады. Биыл ол 15 қыркүйекте басталды.

Бірыңғай дистрибьютор «СК Фармация» ЖШС бүгінгі күні тұмауға қарсы вакцинаның 2 526 754 дозасын сатып алды, бұл республиканың жалпы халқының 13%-ін қамтуға мүмкіндік береді. ДДСҰ ұсынысы бойынша халықтың 10%-ін қамту қажет.

«Тұмауға қарсы вакцинаны алуға медицина қызметкерлері, медициналық ұйымдарда диспансерлік есепте тұрған балалар, жетім балалар мен ата-анасының қамқорлығынсыз қалған балаларға арналған білім беру ұйымдарының, балалар үйлерінің балалары және эпидемиологиялық көрсеткіштер бойынша алуы тиіс адамдар жатады», – деді А.Цой.

Қазіргі таңда шамамен 270 мың адам немесе вакцинаны алуға тиісті халықтың 10,5%-і екпе алды.

Хабар 24 телеарнасы