434.16 493.30 5.87
+7 (7172) 757 485 24kz@khabar.kz

«Қазақстан Республикасының биоқауіпсіздігі туралы» заң жобасы депутаттардың қарауына енгізілді

  • 79
  • UPD: 18:29, 26.10.2021
«Қазақстан Республикасының биоқауіпсіздігі туралы» заң жобасы депутаттардың қарауына енгізілді

Заң жобасы ҚР Президентінің тапсырмалары аясында әзірленді және Қазақстанда аса қауіпті инфекциялардың таралуына қарсы іс-қимылға бағытталған. Қасым-Жомарт Тоқаев Сovid-19 пандемиясына байланысты жағдайды ескере отырып, биологиялық қауіпсіздікті қамтамасыз ету мәселесін заңнамалық реттеудің маңыздылығын атап өтті. Қазіргі уақытта заң жобасы Парламенттің төменгі палатасы депутаттарының қарауында, деп хабарлайды «Хабар 24» Санитариялық-эпидемиологиялық бақылау комитетіне сілтеме жасап. 

Заң жобасының мақсаты – халықтың денсаулығы мен елдің ұлттық қауіпсіздігінің қорғалу деңгейін арттыру, биологиялық қатерлерге уақтылы ден қою. Деректерді есепке алудың бірыңғай жүйесін құру тәуекелдерді бағалау және мемлекеттік бақылау субъектілерін іріктеу жүйесін қоса алғанда, биоқауіпсіздік саласындағы есептік және есепке алу ақпаратын автоматтандыруға мүмкіндік береді. Құжаттың негізгі әзірлеушісі – ҚР Денсаулық сақтау министрлігі. Онда келесі мәселелердің шешімі көрсетілген:

Қоғамдық денсаулық сақтау, экология, ветеринария, фитосанитария саласындағы және шектес салалардағы заңнаманы шоғырландыру және біріздендіру;

Биологиялық агенттермен жұмыс істеу саласындағы бақылау және рұқсат беру рәсімдері бойынша қолданыстағы нормаларды жүйелеу және жаңарту;

Мемлекеттік реттеу шараларын енгізу, өкілеттіктерді бөлу және мемлекеттік пен жеке ұйымдардың өзара іс-қимылы;

Биологиялық қауіп-қатерлерді есепке алу және есептілік, мониторинг және бағалау тетіктерін жетілдіру;

1-2 патогенді топтардың биологиялық агенттерімен (ПТР-тест) жұмыс істейтін зертханаларға қойылатын талаптарды күшейту.

«Биологиялық қауіпсіздік туралы» заң жобасы 10 заңға және 3 кодекске өзгерістер енгізуді қарастырады. Әрбір бейінді мемлекеттік органда және әлеуетті қауіпті биологиялық объектілерде биологиялық қатерлерді басқару жүйесін енгізу инфекциялық аурулардың қауіпті қоздырғыштарымен қызметті толыққанды есепке алуды және бақылауды қамтамасыз етуге мүмкіндік береді.

 

Хабар 24 телеарнасы