Қостанай облысында белгісіз дерттен мал қырылды. Жергілікті биліктен қайыр болмаған соң Қарақоға ауылының тұрғындары жараланған сиырлардың видеосы мен фотосуретін редакциямызға жолдады.
Әзірге өлген малға нақты диагноз қойылмаған. Кейбір шаруашылықтарда 400-дей бас-стоматит ауруына шалдыққаны белгілі болды. Бұл жағдайдан ветеринария саласының мамандары хабардар. Тұрғындар індетті дер кезінде ауыздықтамаған жергілікті органдардың сылбыр жұмысына наразы.
Нұрсұлтан Садық, Қарақоға ауылының тұрғыны:
– Төрт бас сиыр өлді. Енді төртеуі ауырып тұр. Жангелдин ауданының ветеринарлары үш күннен кейін бірақ келді. Мал өліп жатқанда келмеді. Екі-үш күннен кейін малыңды жина, жаппай құтыруға егеміз дейді. Бірақ ешқандай сынама зертханаға зат алған жоқ.
Бауыржан Бекет, Ветеринария басқармасы басшысының орынбасары:
– Олар жеке орналасқаннан кейін малын ара-тұра қарайтын болған. Содан малын жинатқан ғой. Малшылар төрт малдың өлгенін сол кезде анықтаған. Көп жатып қалғандықтан олар материал алуға жарамайды. Аталған ауылдық округте стоматиттің белгілері бар. Ем-дом жасалғаннан кейін, екі рет укол салғаннан кейін үшінші, төртінші күнге қарай жазылып кетіп жатыр. Бірақ мал арасында шығын жоқ.