425,02 450,91 6,80
+7 (7172) 757 485 24kz@khabar.kz

«Қазақстан халқына» қорының алғашқы қаржысы қайда жұмсалады?

  • 238
  • UPD: 23:39, 18.01.2022

«Қазақстан халқы» қорына жыл сайын шамамен 100 миллиард теңге түсетін болады. Қор төрағасы Болат Жәмішев осылай деп мәлімдеді.

Бүгінде қайырымдылық қорда 12 миллиард теңгеден астам қаржы бар. Ақшаны ірі бизнесмендерден бөлек қарапайым қазақстандықтар да аударған. Қор басшысының айтуынша, алғашқы қаржы қаңтардағы бүлік кезінде қаза тапқан әскери және полиция қызметкерлерінің отбасыларына бағытталады. Ақшаның бір бөлігі ауру балаларды емдеуге жұмсалады.

Болат Жәмішев, «Қазақстан халқы» қорының басқарма төрағасы:

– «Қазақстан халқына» қорының құрылтайшылары ретінде үкімет іріктеп алған 4 қоғамдық ұйым танылды. Алайда олардың қатары әлі артуы мүмкін. Із қайырымдылықпен айналысатын қоғамдық ұйымдаромен жұмыс істейтін боламыз. Біз олардың әлеуметтік жобаларын жүзеге асыру барысында әріптестік орнатамыз деген үміттемін.

Хабар 24 телеарнасы