LRT-ны жақсарту және жобалық шешім әзірлеу бойынша байқау жарияланды

«LRT-ны жақсарту бойынша жобалық шешім әзірлеу» республикалық сәулет байқауы жарияланды.

11 қаңтар күні Президент Қасым-Жомарт Кемелұлы Тоқаев Қазақстан халқына үндеу жасады.

Қ.Қ.Тоқаев өз сөзінде LRT туралы келесі ойды білдірді: «...Оңтайлы шешім қабылдау керек, өйткені қарапайым бұзу уақыт пен ақшаны жоғалтуды білдіреді. Бұл жобаны пайдаланудың ықтимал жағдайларын анықтайтын отандық және шетелдік сәулетшілер мен урбанистерді шақырудың басқа амалы жоқ».

Осыған байланысты, Қазақстандағы сәулет білімінің флагманы болып табылатын Қазақ бас сәулет-құрылыс академиясының құқықтық мирасқоры – Халықаралық білім беру корпорациясы Нұр-Сұлтан қаласында құрылысы аяқталмаған «LRT-ны жақсарту бойынша жобалық шешім әзірлеу» LRT жобасын пайдалану бойынша ұсыныстарға Республикалық сәулет байқауын жариялайды.

Байқаудың мақсаты – студенттерді жобалау және ғылыми-зерттеу қызметіне тарту. Байқауға қатысушыларға елорда үшін өзекті және қажетті салынған LRT бөліктерін баламалы пайдалану бойынша идеяларды ұсыну ұсынылады.

Байқауға сәулет-құрылыс жоғары оқу орындарының студенттері, магистранттары мен докторанттары қатыса алады.

Байқауға қолдан немесе компьютерлік графикада орындалған А2 форматындағы эскиздік жобалар қабылданады.

Эскиздік ұсынысты бағалау критерийлері:

- жоба алдындағы талдаудың сапасы: әлемдік тәжірибе, ағымдағы қала

құрылысы жағдайы және т. б.;

- аяқталмаған магистральдың қолда бар бөліктерін ұтымды пайдалану;

- жобаның қала үшін әлеуметтік маңызы;

- көркемдік-концептуалды шешім: орын концепті, дизайнерлік шешімнің прагматикалығы мен бірегейлігі, сәйкестілік.

Жеңімпаздар I, II, III дәрежелі дипломдармен марапатталады.

Халықаралық білім беру корпорациясы

Конкурстық жұмыстар 2022 жылғы 13 ақпанды қоса алғанға дейін lrt.newlife@mok.kz электрондық мекенжайы бойынша қабылданады.

Өткізу мерзімі: 2022 жылғы 1 ақпаннан 28 ақпанға дейін